BerroAnnotazioni/Tomo3/Libro3/Cap15
| Aviso OCR
Este texto ha sido obtenido por un proceso automático mediante un software OCR. Puede contener errores. |
- Cap. 15 Lettera degli Ecclesiastici a Papa Innocenzo X
Sanctissime ac Beatissime Pater Domine Dne Clementissime
Dei nos causam agere existimamus, cum religiosum Piarum scholarum institutum nostrarum apud Sanctitatem Vestram suffragio litterarum sustentamus. Efficit hoc illustribus in orbe Sarmatico constans illius pietas propugnata documentis ut tantum perturbatis sacri huius coetus rebus, vel immutatis vitae rationibus indoleamus, quantum integerrimo vigore et florentibus inter serpentes haeresum vepres favemus incrementis. Experti sane sumus solidam et expres-sam in religiosa hac familia verae virtutis germanaeque religionis ef-figiem, quam eo firmiori stare vestigio, ac propensiore S.tis V.rae niti patrocinio magnopere desideramus: quo fructuosiores illius in Ecclesiam Dei meritorum brevi hoc, quo Poloniae inclaruerunt spatio accessiones perspeximus. Commune igitur nostrum in eo cenere ne-gotii votum, et humillimas coniuncto litterarum officio preces apud S.tem V.ram interponimus ut firmum, ac fixum sacri huius coetus in Polonia statum Paternae Auctoritatis favore fovere tuerique digne-tur. Pertinebit id ad insigne cum Reipublicae nostrae tum Ecclesiae Dei quam adultam erroribus petit haeresis emolumentum, et mentem S.tis V.rae amplificandae divinae laudis avidissimam, optato priva-tim solatio, sperato publice fructu, cumulabit. Caeterum sacros Sanctitatis V.rae pedes reverenter exosculantes, sanctsisime commenda-mus. Datum Varsaviae die XXV maii anno Domini 1647.
S.tis V.rae servitores devotissimi
Matthias Archiepus Gnesniensis m.p.a
Nicolaus Archiep.us Leopoliensis.
Petrus epus. Cracoviensis.
Andreas episcopus Posnaniensis m. pp.
Andreas episcopus Luckorriensis
Andreas episcopus Culm. et Rom. Trid. Regni
Stanislaus Epus Chelmensis m.pp.
Stanislaus de Kalinowa Zaremba Epus. Kioviensis m.p.
